Studentët e Institutit të Studimeve Europiane të Universitetit të Tiranës debatuan rreth ndikimit të integrimit europian në proceset demokratike dhe shtetin e së drejtës në Shqipëri.
SCiDEV organizoi debatin e radhës në 27 shkurt online në Institutin e Studimeve Europiane të Universitetit të Tiranës në kuadër të edicionit të dytë të projektit “Laboratori i debatit mbi integrimin europian në auditorët universitarë-Nga fjala tek veprimi”, të mbështetur nga Fondacioni Shoqëria e Hapur për Shqipërinë. Prof. Doris Malaj, mentor i studentëve, nënvizoi në fjalën e saj hyrëse rolin e programit të debatit në zhvillimin e studentëve si edhe në falenderoi SCiDEV për ofrimin e mundësive për studentët si programi i trajnimit apo fushata e aktivizimit online. Edhe studentët vunë në pah vlerën e debatit sidomos ata që ishin pjesëmarrës për vitin e dytë radhazi duke ftuar edhe studentët e tjerë që të përqafojnë iniciativa të tjera.
8 studentë, nën mentorimin e Prof. Doris Malaj, të ndarë në dy skuadra të drejtuara nga Silvana Rusi dhe Enxhi Hoxha, studentët e ISE/UT debatuan rreth mocionit “Integrimi europian thellon dhe përmirëson demokracinë dhe shtetin e së drejtës në Shqipëri”. Gjithashtu, liderët e dy skaudrave debatuan edhe për mocionin “Inteligjenca artificiale do të shkatërrojë marrëdhëniet njerëzore, shoqërore dhe ekonomike në BE”. Performanca e studentëve ishte shumë e mirë duke nisur nga etika në komunikim, përgatitja e argumentave, evidencave, pyetjeve, kundër-përgjigjet, gjuha e trupit, dhe përkushtimi dhe serioziteti në të gjithë debatin.
Anëtarët e jurisë, Prof. Doris Malaj (mentor i skuadrave të debatit), Dr. Blerjana Bino (SCiDEV) and Megi Ruka (RYCO) përgëzuan studentët për debatin, shpallën fitues skuadrën pro të drejtuar nga Silvana Rusi dhe njëkohësisht përgëzuan studentët për arritjen.
