Konteksti i Projektit – Edicioni II

Menaxhere Projekti

Me përvojë në menaxhim e projekteve të zhvillimit dhe eksperte e fuqizimit të grupeve të skajuara përmes medieve alternative, Blerjana ka një përvojë të kombinuar në akademi, shoqëri civile dhe politikëbërje. Ajo ka realizuar studimet pasuniversitare dhe post-doktorale në universitete prestigjioze në Europë si në London School of Economics Political Science, Universiteti i Westminister, Angli; Universiteti i Salzburg, Austri dhe Universiteti i Uppsala, Suedi. Ajo është Lektore e jashtme e Mediave të Reja dhe e Metodave të Kërkimit në Universitetin Europian të Tiranës dhe Universitetin e Tiranës.

Trajner

ICT dhe menaxhues projektesh me pervoje. Ka mbrojtur doktoraturen ne sistemet e informacionit ne fushen e sigurise ushqimore dhe gjurmueshmerise, me fokus te vecante analizen e sistemeve te aplikuara ne vendet EU. Eksperience në qeverisjen lokale per standardizimin dhe digjitalizimin e sherbimeve administrative dhe publike, në kontekstin e implementimit te reformes administrative territoriale të qeverisjes vendore në Shqipëri, Fabjani gëzon një rrjet të konsoliduar partnerësh në 61 bashki te vendit edhe falë angazhimit të tij në Projektin STAR II (2018 – vazhdim) dhe Ministrinë e Brendshme (2005-2010). Ai është lektor ne departamentin e Inxhinierise Softuerike per lendet qe lidhen me zhvillimin dhe menaxhim e sistemeve të informacionit në Institutin Kanadez të Teknologjisë (CIT).

Koordinatore

Anisa ndërthur përgatitjen profesionale në inxhinieri mjedisi me menaxhimin e biznesit me fokus menaxhimin e integruar të mbetjeve. Me përvojë profesionale në sektorin privat, Anisa është aktive edhe në fushën e projekteve me fokus të rinjtë, inovacionin dhe sipërmarrjen. Ajo është asistent Lektore në Bazat e Sipërmarrjes në Kolegjin Profesional të Tiranës.

CVSA lindi si ide nga nevoja e tregut për shërbime specifike në ofrimin e shërbimeve video dhe foto për takime serioze, evente projektesh dhe kompanish, në ndryshim nga kompanitë ekzistuese gjithëpërfshirëse. CVSA është kompani niche në tregun shqiptar dhe rajonal, e specializuar në mbulimin e eventeve të ndryshme si konferenca, seminare, takime projektesh me material audio-vizuale (fotografi dhe video). Ne operojmë dhe kuptojmë plotësisht nevojat e projekteve, duke respektuar plotësisht identitetin vizual të donatorëve. Stafi i CVSA do të theksojë arritjet reale të projektit përmes objektivit të kameras, duke i ofruar kështu publikut një pamje më të qartë për projektin në fjalë. Gjithashtu CVSA mund të menaxhojë dhe paketën e plotë të PR të projekteve lokale dhe europiane.

Trajnere/Mentore

Znj. Xhindi për më shumë se 25 vjet ka punuar si lektore në disa universitete brenda dhe jashtë vendit  si dhe zyrtare nw administratwn qendrore dhe locale. Aktualisht është pedagoge në Universitetin Mesdhetar të Shqipërisë. Fusha e saj e hulumtimit janë zhvillimet rajonale krahasuese me fokus integrimin Europian  Ajo ka botuar një numër artikujsh në revista akademike, ka hartuar dokumente të politikave dhe ka realizuar studime të aplikuara në fushën e Integrimit europian., si dhe ka qenë drejtuese e Katedrës për Studime Europiane “Jean Monnet“( Jean Monnet Chair 2012-2015), akredituar nga BE. Prej vitesh është e angazhuar në leksione dhe trainime për çështjet e integrimit Europian të Shqipërisë në  BE.

Lektore në Universitet

Prej më shumë se 10 vjetësh. Ajo e ka filluar karrierën akademike në Universitetin Aleksandër Moisiu Durrës në vitin 2006, si një prej themeluesve të
këtij Universiteti. Që prej vitit 2008 ajo është lektore e parë për lëndët Gjeopolitikë, Teori të Marrëdhënieve Ndërkombëtare e Siguri Rajonale dhe Lëvizje Sociale e Politike pranë Departamentit të Shkencave Politike, Fakultetit të Shkencave Sociale, Universitetit të Tiranës. Në periudhën 2011-2017 ajo ka qenë kryeredaktore e revistës shkencore Politikja të këtij Departamenti, ndërsa në periudhën 2015-
2016 Këshilltare pranë Ministrisë së Punëve të Jashtme, nëpërmjet programit LEAD Albania.
Ajo mban gradën PhD në Gjeopolitikë nga Universiteti i Pizës, Itali që prej vitit 2011, diplomë në Master në Studime Evropiane të Universitetit të Sienës, Itali dhe Universitetit Robert Schumman III të
Strasburgut, Francë dhe Diplomë Magjistrale në Shkenca Politike/Marrëdhënie Ndërkombëtare nga
Universiteti i Sienës, Itali. Ajo ka një sërë publikimesh në fushën e gjeopolitikës, politikës së jashtme, studimeve evropiane dhe Ballkanit Perëndimor. Së fundmi, ajo ka qenë kërkuese shkencore pranë
Institutit Universitar Europian të Firences.

Trajnere/Mentore

Gradat dhe Titujt akademikë: Doktore e shkencave (2017).

Eksperienca e punës: Dr. Dorina Gjipali është aktualisht Përgjegjëse e Departamentit të së Drejtës Publike në Fakultetin e Drejtësisë të Universitetit “Luarasi”.

Ajo ka përfunduar studimet “Bachelor” në “Drejtësi” dhe Master i Shkencave në të Drejtën Ndërkombëtare në Fakultetin e Drejtësisë të Universitetit të Bolonjës në Itali. Studimet Doktorale i ka përfunduar pranë Institutit të Studimeve Europiane, Universiteti i Tiranës. Dorina Gjipali ka 10 vjet përvojë në fushën e mësimdhënies si pedagoge e lëndëve “E Drejta Publike”, E Drejta Ndërkombëtare Publike.

Aktualisht është lektore në Universitetin “Luarasi” si pedagoge e lëndëve “Teoria e së Drejtës” e “Metodat e Kërkimir Shkencor”, anëtare e Njësisë së Sigurimit të Cilësisë si dhe anëtare e Senatit Akademik të Universitetit “Luarasi.

Dr. Petrina Broka, ka kryer studimet pranë Fakultetit të Drejtësisë në vitet akademike
2001-2005, duke u vlerësuar me medalje të artë. Gjatë viteve të studimeve universitare ka punuar
pranë organizatave të shoqërisë civile si: Shërbimi Ligjor Falas, Qëndra kundër Traumës dhe
Torturës, etj.

Që prej vitit 2006 është anëtare e Dhomës Kombëtare të Avokatisë. Në vitin 2008, ajo ka
përfunduar Studimet e Thelluara Pasuniversitare, pranë Departamentit të së Drejtës Civile,
Fakulteti i Drejtësisë, U.T., me rezultate të shkëlqyera. Që nga tetori 2008 e në vazhdim ajo
punon si lektore  në Fakultetin e Drejtësisë, UT. Në vitin 2013 ajo fiton gradën shkencore “Doktor i shkencave”.

Dr. Petrina Broka është autore e një sërë artikujsh shkencorë të botuar brenda dhe jashtë
vendit si dhe pjesmarrëse në konferenca kombëtare dhe ndërkombëtare. Fushat kryesore të
studimit e kërkimit përfshijnë të drejtën e procedurës civile, zgjidhjen alternative të mosmarrëveshjeve, klinikën e ligjit, të drejtën e konkurrencës dhe zbatimin privat të saj, etj.

Pedagoge në Fakultetin e Historisë dhe Filologjisë në Universitetin e Tiranës

Ka kryer studimet e larta të nivelit BA dhe master në degën e Juridikut të Universitetit të Bolonjës. Pas mbarimit të ciklit 5 vjeçar kreu studimet Master në Shkenca Politike (Politikë dhe Marrëdhënie Ndërkombëtare) në Universitein e Bolonjës. Në vitin 2016 fitoi gradën “Doktore e Shkencave” në fushën e Marrëdhënieve Ndërkombëtare, Universiteti i Tiranës. Që nga viti 2011 e deri më sot punon si lektore e së Drejtës Ndërkombëtare dhe e së Drejtës së BE, dhe prej vitit 2018 është koordinatore e modulit Jean Monnet Erasmus + “Shoqëria shqiptare drejt integrimit të plotë në familjen evropiane”.

Drejtësi Ndërkombëtare,

Esmeralda u diplomua në Drejtësi Ndërkombëtare, në Universitetin Shtetëror të Milanos. Ajo ka një master në Planifikim dhe Zhvillimi Projekti nga Shkolla e Biznesit të Inovacionit, në
Brukels. Nga shtatori 2015 deri në shtator 2019 ajo shërbeu si drejtor ekzekutiv i Institutit Barleti për Kërkim dhe Zhvillim me rezultat të shkëlqyeshëm. Ajo është një eksperte e pavarur i kërkimit dhe inovacionit të Komisionit Evropian dhe është përfshirë në mënyrë aktive në projekte kërkimi, edukimi dhe inovacioni, në nivel kombëtar dhe ndërkombëtar, në
bashkëpunim me kompani, universitete dhe qendra kërkimore lidere globale. Në këtë kuadër, kohët e fundit, ajo është zgjedhur nga misioni i IOM në Shqipëri si Konsulente Ndërkombëtare për Zhvillimin e Projektit. Nga shtatori 2017 deri në dhjetor 2018, ajo ka shërbyer si këshilltare dhe shefe kabineti pranë Ministrit të Shtetit për Diasporën, duke qenë
një pjesë integrale e krijimit të institucioneve të reja për anëtarët e Diasporës. Nga shtatori 2019 ajo po udhëheq Institutin Adriapol-Smart and Creativity Growth.

Pedagoge , Departamenti i Ekonomisë dhe Politikat e Zhvillimit Rural

Fakulteti i Ekonomisë dhe Agrobiznesit.

Universiteti Bujqësor i Tiranës

Profesor i Asocuar:  Fakulteti i Ekonomisë dhe Agrobiznesit, Universiteti Bujqësor i Tiranës.

Studime të Doktoratës:   Doktor i Shkencave në Ekonomiks, Universiteti i Tiranës,   Fakulteti i Ekonomik.

Studime Master: MA në Studime Ekonomike Europiane, Universiteti i Tiranës,  Fakulteti Ekonomik , Universiteti i Bambergut , Gjermani.

Studimet e larta, Bachelor: BA në Ekonomiks, Universiteti i Tiranës, Fakulteti  Ekonomik

Me përvojë të gjatë në mësimdhënie në nivel universitar, eksperience menaxheriale, si menaxhere e Departamentit të Menaxhimit në sektorin publik dhe privat të sistemit universitar.

Ka publikuar artikuj të shumtë shkencor në revista të njohura shkencore brenda dhe jashtë vendit.

Lektore dhe kërkuese shkencore

Prej më shumë se 11 vitesh Elda është pedagoge në Departamentin e Shkencave Politike, Universiteti” Aleksandër Moisiu” Durrës ku dhe lektron lëndët si: Integrimit Evropian dhe Organizata Ndërkombëtare. Studimet pasuniversitare dhe doktorale i ka realizuar pranë Institutit të Studimeve Evropiane, Universiteti i Tiranës.  Dr.Elda Zotaj ka mbajtur pozicionin e përgjegjëses së Departamentit për periudhën 31 maj 2016- 8 shtator 2020. Fusha e kërkimit të saj lidhet ngusht me proceset integruese Evropiane të vendit dhe rajonit. Ajo është autore e më shumë se dhjetëra publikimeve në revista shkencore në konferenca rajonale, kombëtare dhe ndërkombëtare në fushën e Shkencave Politike.